今朝返到學校
派成績[紙]平均分46.5
比班主任叫哂我地出去(唔合格個d)
好明顯我係好低分囉=.=
排第尾or尾二...
要留級...好傷心...
雖然冇喊...但成朝補課都聽唔入耳
小息佢又搵留班個3個
問我地想留原校定轉校
得我一個揀留係度
其他兩個都話轉其他學校讀f4
其實我一泡眼淚係度
死忍>.<但我眼淺
放學我再去搵多佢一次
諗住求下情有冇得試升
聽佢咁講應該都冇架喇！
傾左好耐，結果都係一樣
但係我真係唔想f4留呀>.<
[留來做乜wor？點解唔比我試升姐？
我補考完先決定喇，好唔好呀？？]
我好想咁講，但我已經講唔出口
我知留班係對我好
但係我真係好唔想留
我想同今年既同學一齊升5a
我有好多野prepare左今個暑假要做
要衝會考要溫書！
prepare左考完會考要做咩野
咁樣拖一年，好唔抵
仲有咁多朋友等緊我一齊去玩
好想喊呀>.<
我知留班我既成績一定會好左
基礎一定會搞返掂
但係好多野煩呢！？
下一年人事已非，
老師同學都會唔同
我唔想咁呀！！！